Армысың, әз Наурыз!

Наурыз айының естен кетпес мерекелердің бірі – Наурыз мейрамы. 2018 жылдың 16 наурызында, сағат 11.00-де мектебімізде Ұлыстың ұлы күні «Наурыз» мейрамы тойланды.  Әз Наурыз мерекесі мектебімізде таза ауада, жоғары деңгейде атап өтілді. Мектеп алаңында киіз үй орнатылды. Мерекені тойлауға бірлігі мен ынтымағы жарасқан мектеп әкімшілігі, ұстаздар мен тәрбиешілерден құралған шығармашылық ұжым, оқушылар, олардың ата-аналары белсене қатысты. Наурыз мерекесі «Адыраспанмен аластау» рәсімімен, әсем ән шашумен басталды. Шашу шашылып, Қыдыр атамыз халқына ақ батасын берді. Қазақтың ұлттық салт-дәстүрлерінен көрініс көрсетілді. Мектеп оқушылары

өз өнерлерін паш етті. Атап айтатын болсақ, 7 «а» сыныптың  биші қыздары «Қамажай» биін биледі. 3 «б»

сынып оқушылары «Жаңа жыл» деген әнді орындады. Бастауыш пен орта буындағы оқушылар би сайысына түсіп,  елімізде тату-тәтті тұрып жатқан барша ұлттардың ұлттық билерін көрсетті. Ал  жоғары сынып оқушылары мерекені әзірлеуге, мектеп алаңын безендіруге, киіз үйді құрып, орнатуға көмектесті. Мектептің асхана қызметкерлері мерекенің барлық қатысушыларына арнап дәмді наурыз көже, ыстық палау және бауырсақ әзірледі. Мектеп алаңында қазақтың ұлттық ойындары, спорт жарыстары өткізілді. Жеңімпаздар сыйлықтармен марапатталды. Мектебімізде

Наурыз мерекесі осылай атап өтілді. Салт – дәстүрден көрініс көрсету, халық әндерін айту, ұлттық ойындарды ойнау, өткенімізді жаңғырту, ұлттық өнерімізді дәріптеу мақсатында қойылған болатын. Ең бастысы, балалардың бойына мерекені тойлау барысында ұлттық құндылықтарымызды сіңіре алдық деген ойдамыз.

Қазақ тілі пәнінің мұғалімі Орумбаева С.Қ.