Үйден оқитын оқушылар туралы

Елбасының дәстүрлі әрбір жылғы Жолдауында маңызды мәселелердің бірі ретінде — қоғамның ең бір әлсіз қорғалған мүшелерінің, соның ішінде даму мүмкіндігі шектеулі балалардың өмірін лайықты қамтамасыз ету,

оларға сапалы білім беруді қалыптастыру екені айқын көрсетіледі. Қоғамда болып жатқан әлеуметтік мәселелер: отбасылық, экологиялық, экономикалық дағдарыстар жүйке жүйелері бұзылған, әртүрлі психикалық-физикалық аурулары бар, жас ерекшелігі әртүрлі балалардың көбеюіне әкеліп, соқтырып отыр. Қазіргі заманда мүмкіндіктері

шектеулі балаларды оқыту мен тәрбиелеу мәселесіне ерекше мән беріледі. Үйден оқитын балалармен, яғни денсаулығы мектеп қабырғасында білім алуды көтермейтін балалармен жұмыс туралы айтқым келеді.

Мұндай оқушылардың ішінен 4-ші сынып оқушысы Жамитов Сәбитті, 5-ші сыныптың оқушылары Кәкім Ербол мен Сангиреева Аринаны бөліп айтуға болады. Бұл оқушылармен жұмыс істеу барысында ең

әуелі, әрбір баланың жалпы білім деңгейі, дүниетанымы анықталды, зерттелді. Зерттей келе, қазақ тілінен оқу бағдарламасы аталған оқушыларға арнайы жеңілдетіп қайта жасалынды. Мектептегі

сабақтың өту барысы мен үйден оқитын оқушылардың сабақты қабылдауы екі түрлі. Әйтсе де, мақсат біреу. Ол – оқушыларға білім беру. Осындай балаларды оқыту барысында қатаң талап қою арқылы үйрету тиімсіз, тіпті

қауіпті болуы да мүмкін. Оларға тек жүрек арқылы жол табуға болады. Мәселен, Жамитов Сәбиттің көзі нашар көреді, ал бұл білім алуға көп қиындық туғызады. Көбіне баламен тыңдалым, айтылым түріндегі жұмыстар жүргізіледі. Оқушы тақпақ жаттағанды, ән айтқанды жақсы көреді. Өлең жаттату өз нәтижесін беріп келеді. Ал Кәкім Ербол болса, мәтінді еркін оқиды, өз бетінше аударады, сұрақты дұрыс түсініп, сұраққа дұрыс жауап береді. Алайда,

мәтінді өз бетінше мазмұндау – ол үшін ауыр жүк. Грамматикалық жаттығуларды орындағанда мұғалімнің көмегіне жүгінеді. Сангиреева Аринаның да қазақ тіліне деген қызығушылығы күннен -күнге артып келеді. Қазақ тілінен сөздік қоры жаңа сөздермен толығып жатыр. Әрбір баланың дамуы мен білім игеру сапасы жөнінде

динамикалық бақылау күнделігі жүргізіледі. Мемлекетіміздің әрбір азаматы – ұлттық құндылық, әрбір баласы – еліміздің ертеңі екенін ескерсек, әрбір мүмкіндігі шектеулі оқушының сапалы білім алып, азамат болып қалыптасуына

жағдай жасау міндетіміз болып табылады.

Қазақ тілі пәнінің мұғалімі: Орумбаева С.Қ.