«Балалық шақты таңда»

бағдарламасы бойынша түзету және тәрбие жұмысының ерекшеліктері» тақырыбы

бойынша облыстық семинар-практикумы

Ақмола облысының ісшаралар жоспарына сәйкес 2017 жылдың 24 қараша күні «Атбасар қаласындағы №2

облыстық арнайы түзету мектеп – интернаты» КММ- нде облыстық семинар-практикум

өткізілді. Семинардың тақырыбы: «Балалық шақты таңда» бағдарламасы бойынша түзету

және тәрбие жұмысының ерекшеліктері»

Ақмола облысындағы инклюзивті білім беруді дамыту жөніндегі үйлестіру кеңесінің төрағасы, саясаттану ғылымдарының кандидаты - Ибраев Марат  Өмірбайұлы  құттықтау сөз сөйледі.         Сондай-ақ, білім басқармасының  бас маманы - Темірбаева Майя Жеңісқызы, сондай-ақ, оқу-әдістемелік кабинетінің инновациялық-аналитикалық жұмысы бөлімінің басшысы Слушаш Тельмайевна Қожахметова сөз айтты.

Семинарға 63 педагог қатысты.

Семинардың қатысушыларына – Ақмола облыстық жалпы білім беретін, түзету сыныптарының

мұғалімдері мен оқу-тәрбие жұмысы бойынша мектеп басшысының орынбасарларына, ақыл-ой

кемістігінің мамандарына экскурсия ұсынылды. Экскурсияның барысында олар мектеп-интернатының материалдық-техникалық базасымен, оқуды ұйымдастырудың жағдайларымен, оқушылардың бос уақыты мен әлеуметтік бейімделуімен таныстырылды.

         Семинардың қонақтары қызықты ашық сабақтарға, түзету және логопедиялық сабақтарға,

тәжірибелі дефектолог – мұғалімдері дайындаған сыныптан тыс іс-шараларға қатысты. Ашық іс-шаралар «Жер – біздің ортақ үйіміз», «Әрбір бала дарынды», «Мен – Қазақстанның азаматымын», «Сенің денсаулығың өзіңнің қолында», «Мен өзім», «Балалар, құқық, қоғам», «Жақсылық жасауға асығыңыздар» бағдарламаның

тармақтары шеңберінде өткізілді.

Семинардың барысында арнайы түзету мектеп – интернаты және жалпы білім беретін оқу

орындарының түзету сыныптарымен ынтымақтастығы туралы  талқыланды. Мектеп мұғалімдері

конференцияларды өткізу тәжірибесін қолдануға, мүмкіндігі шектеулі балалармен

түзету жұмысының тәжірибесімен алмасуға ұсыныс жасады.

          Семинардың соңында іс-шараның қатысушылары пікірлер кітабында ұжымға ізгі тілектер қалдырды,  жақсы қабылдағандары үшін алғыстарын білдірді, бірлескен серіктестік туралы пікірді қолдады.