«Бірлік, тұтастық және толеранттылық» кітап көрмесі.

      Қазақстан халқының бірлігі күніне орай мектеп кітапханасында «Бірлік, тұтастық және толеранттылық» атты тақырыптық кітап көрмесі ұйымдастырылды. Көрменің мақсаты – оқушыларды елдегі түрлі этностардың мәдениетімен, салт-дәстүрімен таныстыру және достық, сыйластық құндылықтарын насихаттау.

Көрмеге Қазақстан халықтарының тарихы, тілі, әдебиеті туралы кітаптар, халық киімдері мен қолөнер бұйымдарының суреттері бар альбомдар қойылды. Сонымен қатар «Біз – бір елдің балаларымыз» атты әдеби сабақ өткізілді. Оқушылар достық пен бірлік тақырыбындағы шығармалардан үзінділер оқып, елдегі татулықтың маңызы туралы ой бөлісті.

Кітапханашы атап өткендей, бірлік – біздің басты байлығымыз. Әр кітап – халықтар арасындағы көпір, ол түсіністікке, құрметке және бейбітшілікке шақырады.
Кимлач Е.В.