2 сәуір - Дүниежүзілік аутизм туралы ақпаратты тарату күні.

       Жоғары сынып оқушылары үшін тақырыптық ақпараттық сағат ұйымдастырылды.
Кездесудің мақсаты аутизм туралы мәліметті арттыру, толеранттылыққа, эмпатияға және әр адамның өзіндік ерекшеліктерін қабылдау мәдениетіне тәрбиелеу болды.
Жоғары сынып оқушылары РАС (аутизм спектрінің бұзылуы) бар адамдардың әлемді қабылдау ерекшеліктерімен танысты. Қоршаған ортаның қолдауы мен түсіністігі аутизмі бар жандардың әлеуметтік ортаға бейімделуіне қалай көмектесетінін талқылады.
Оқушылар ерекше қажеттіліктері бар адамдардың ішкі жан дүниесін жақсырақ түсінуге және олардың таланттары мен мүмкіндіктерін тануға көмектесетін тақырып бойынша бейнероликтерді тамашалады.
Көрсетілімнен кейін балалар мектеп ортасын барлық оқушылар үшін жайлы әрі мейірімді ету мақсатында әрқайсымыз қандай нақты қадамдар жасай алатынымызды ортаға салды.
Көк түс аутизмі бар жандарды қолдаудың символы болып саналады. Көптеген оқушылар киімдеріне эмблемалар мен көк түсті элементтерді қосу арқылы акцияны қолдады.
Білім - түсінудің алғашқы қадамы. Осындай іс-шаралар оқушылардың басқаларға ашық, төзімді және жанашыр болуына көмектеседі. Біз жоғары сынып оқушыларының осындай күрделі тақырыпты талқылауға шынайы қызығушылық танытқанын мақтан тұтамыз.
Жоғары сыныптардың пән мұғалімдері мен сынып жетекшілері