Қазақ тілі пәнінен  «Атамекен» атты үйірме жұмысы жайлы

Тіл қашанда ұлт мәдениетінің, өнер-білімнің ұлы қаруы, алтын  тұғыры саналатындықтан, қазақ тілі мен әдебиетінің келешек көкжиектері білім беру ұйымдарының қазіргі таңдағы оқытылу жайынан бастау алады. Осы тұрғыдан

алғанда  үйірме жұмысы оқушының талабын ұштап, шығармашылық, тұлғалық шарықтауына мүмкіндік береді, интеллектуалдық деңгейін биіктетеді. Ал бұл оқушының қабілетін дамытады, белгілі тақырыптардан

терең теориялық білім алып, оны іс жүзінде қолдануға дағдыландырады. Сонымен қатар  оқушының білімді шала түсінген тұстарын практика жүзінде нақтылауда атқаратын қызметі зор. Сабақтан тыс уақытта жұмыстарды жүргізу кезінде мұғалім оқушылардың талап - тілегін, қызығатын мәселелерін жан-жақты дамытуға мүмкіндік алады.

Үйірме жұмысының мақсаты: Оқушыларды өз Отанын қорғауға, туған еліне, мекеніне деген сүйіспеншілік сезімдерін қалыптастыруға, Отанының нағыз патриоты болуына және халықтар достығын құрметтей білуге тәрбиелеу. Қазақ тілінің маңызы мен қоғамдағы орны, жас ұрпақтың мемлекеттік тілдің қадір –қасиетін түсіне

білуін, сүйе білуін арттыру, балаларды қазақ тілін сүюге, оны қорғауға және қамқорлық жасауға тәрбиелеу.

Үйірме жұмысының міндеттері: Оқушылардың қазақ тілінен  сөздік қорларын байыту. Қазақ халқының салт-дәстүрлерімен таныстыра  отырып, қызығушылықтарын ояту. Әр түрлі ойындар арқылы ыңталарын қалыптастыра отырып, тілге деген сүйспеншілігін арттыру. Балаларға қосымша білім беруде оқушының білімін, шеберлігін  көрсету. Оқушыны шығармашылық жұмысқа тарту арқылы танымдық қабілеттерін, қызығушылығын арттыру, жетістіктерін бағалап көрсету, белсенділігін қалыптастыру, өздігінен еңбек етуге дайындау, іскерлігін

дамыту. Оқушыларды тіл мәдениетін сақтай білуге, тіл тазалығы үшін күресе білуге, сөз өнеріне баулу. Оқушылардың тілін, ой-өрісін дамыту. Ата-баба мұрасына адалдыққа және оны жалғастырушы болуға баулу.   «Атамекен» үйірмесінің бағдарламасы оқушыларға тәрбиелік мәні бар, көркемдік шеберліктің үлгісі.

Бүгінгі шәкірттерді, еңбекқор, жан-жақты икемділік қабілеттері жетілген азамат етіп тәрбиелеуді көздейді.

Үйірменің мүшелері: Андреев Артем – 3 «А» сыныбы, Вервайн Сергей – 3 «А» сыныбы,

Көшербай Қайсар – 3 «А» сыныбы, Матвеев Константин – 3 «А» сыныбы, Сұлтанғали Арайлым – 3 «А» сыныбы, Искаков Алмас  – 5  сынып, Исмаилова Анастасия – 5  сынып, Клименко Роман – 5  сынып, Тухлова Галина – 5  сынып, Шайхутдинова Екатерина – 5  сынып. «Атамекен» атты үйірме жұмысы 2017-2018 оқу жылының арнайы жоспарына сай жүзеге асырылады. Тақырыптар: Сәлем! Кел танысайық! Өзім туралы.  Менің мекен жайым; Менің отбасым. Туыстарым; Менің бос уақытым; Менің туған қалам – Атбасар; Менің Отаным - Қазақстан; Менің тұңғыш Президентім; Қазақстанның елордасы – Астана қаласы. Астанадағы мәдени орындар; Қазақтың салт-дәстүрлері; Бесікке салу;  Қырқынан шығару;  Тұсау кесу; Киім; Ұлттық киімдер;  Қазақтың ұлттық аспаптары; Ұлттық аспаптардың түрлері; Домбыра, қобыз, жетіген аспаптары туралы мәлімет беру; Ұлттық ойындар; Асық; Тоғызқұмалақ. Сабақтар дөңгелек үстел, викторина, тренинг, интеллектуалдық ойын, сайыс сабақ, саяхат сабақ түрінде өткізіледі. Сабақтарда интербелсенді тақта, проектор, мазмұнды суреттер, сөздік жұмысы (аударма) кеңінен қолданылады. Оқушыларға көбінесе интеллектуалдық ойын және сайыс сабағы түріндегі сабақтар қатты ұнайды. Оқушылар қазақ тіліне деген жауапкершілікпен қарап, зор қызығушылық танытуда.

Қазір ел болып егемендік алып, көк туымыз желбіреп, әлемдегі тұрағы биік елдермен терезесі тең өмір сүріп келеміз. Қай заман, қай қоғамда болсын адамзат баласы жас ұрпақ тәрбиесіне зор мән берген.  

Елімізді-2030 жылы «Ақ барысқа» айналдыратын күш - бүгінгі оқушы балалар екені  анық. 

Қазақ тілінің мұғалімі: Орумбаева С.Қ.